Kajala asomewa mashitaka upya

KAJALA

KAJALA & RAMSEY behind the scene ya muvi ya kanumba DEVIL KINGDOM

Bi dada akiingia rumande pindi alipokamatwa

Behind the scene ya Devil Kingdom

KAJALA & MAJANI mzazi mweziye

KAJALA & CHAMBO Mumewe wa ndoa

HATIMAYE upande wa Jamhuri katika kesi ya kutakatisha fedha haramu inayomkabili msanii wa filamu nchini, Kajala Masanja na mumewe Faraja Chambo, jana uliwasilisha hati mpya ya mashitaka waliyoifanyia marekebisho na kisha kuwasomea upya washitakiwa mashitaka yanayowakabili katika Mahakama ya Hakimu Mkazi Kisutu, Dar es Salaam.
Hatua hiyo ya kuwasilisha hati hiyo iliyofanyiwa marekebisho, inatokana na amri iliyotolewa na Hakimu Mkazi, Sundi Fimbo, Machi 15 mwaka huu, muda mfupi baada ya wakili huyo wa upande wa mashitaka kuwasomea mashitaka washitakiwa hao kwa mara ya kwanza na wakili wa utetezi, Alex Mgongolwa, kuomba mahakama hiyo iuamuru upande wa Jamhuri ufanyie marekebisho hati hiyo, kwa sababu hati hiyo haijataja jina la mtu aliyeuziwa nyumba na washitakiwa hao na ipo Kitalu namba ngapi, ombi ambalo lilikubaliwa na hakimu huyo.
Wakili wa Taasisi ya Kuzuia na Kupambana na Rushwa, (TAKUKURU), Leonard Swai, jana aliwasomea upya hati ya mashitaka, ambayo imeletwa mahakamani hapo kwa kibali cha Mkurugenzi wa Mashitaka (DPP), Dk. Eliezer Feleshi, licha ya mume wa Kajala kutokuwepo mahakamani kwa sababu yupo gerezani akikabiliwa na kesi nyingine ya utakatishaji fedha, ambayo haina dhamana kwa mujibu wa sheria.
Swai, alidai kuwa washitakiwa hao wanakabiliwa na mashitaka yale yale ya awali, ambayo ni matatu na jina la mtu aliyeuziwa nyumba hiyo ni Emilian Rugalia.
Wakili huyo wa TAKUKURU, alidai, washitakiwa hao wanakabiliwa na mashitaka matatu, kosa la kwanza ni la kula njama kinyume na kifungu cha 34 cha Sheria ya Kuzuia na Kupambana na Rushwa ya mwaka 2007, ambako washitakiwa wote kwa pamoja, walitenda kosa hilo la kula njama la kuhamisha umiliki wa nyumba iliyopo Kunduchi, Salasala eneo ambalo halijapimwa jijini Dar es Salaam.
Shitaka la pili ni kwamba, Aprili 14 mwaka 2010 walihamisha isivyo halali umiliki wa nyumba hiyo, ambayo walikuwa wakiimiliki kwenda kwa Emilian Rugalia, ambaye ndiye walimuuzia kinyume na kifungu cha 34(2)A(3), cha Sheria ya TAKUKURU ya mwaka 2007, na shitaka la tatu ni la kutakatisha fedha, ambalo walilitenda siku hiyo ya Aprili 14 mwaka 2010, huku wakijiua ni kinyume cha sheria hiyo.
Hata hivyo, Kajala ambaye alikuwepo peke yake mahakamani hapo, bila mshitakiwa wa kwanza (Chambo), ambaye ni mumewe kutokuwepo mahakamani hapo, kwa sababu yupo gerezani kwa zaidi ya mwaka mmoja, kwa sababu anakabiliwa na kesi nyingine ya utakatishaji fedha haramu iliyofunguliwa mahakamani hapo, ambako kwa mujibu wa sheria, kosa hilo halina dhamana, alikana mashitaka yote matatu na akaamriwa kurudishwa rumande hadi Aprili 4, mwaka huu, kesi hiyo itakapokuja kwa ajili ya kutajwa.